പുരസ്ക്കാര ജേതാക്കളെ അനുമോദിച്ചു

നീലേശ്വരം: കേരള സംഗീത നാടക അക്കാദമി പുരസ്കാര ജേതാക്കളെ നീലേശ്വരം ജനത കലാസമിതി അനുമോദിച്ചു. നാടക അവാർഡ് ജേതാവ് പ്രശസ്ത നാടക സംവിധായകൻ വി.ശശി, ഗുരുപൂജ പുരസ്കാര ജേതാവ് പ്രശസ്ത നടി അമ്മിണി ചന്ദ്രാലയം എന്നിവരേയാണ് അനുമോദിച്ചത്. ഉപഹാര സമർപ്പണം നടത്തി അനുമോദന യോഗം പ്രശസ്ത സിനിമ – നാടക സംവിധായകൻ എം.ടി. അന്നൂർ ഉദ്ഘാടനം ചെയ്തു. കലാ സമിതി പ്രസിഡണ്ട് പിനാൻ നീലേശ്വരം അധ്യക്ഷത വഹിച്ചു. അനുമോദന ജേതാക്കളെ എം.വി. ഭരതൻ നീലേശ്വരം പരിചയപ്പെടുത്തി. നന്മ ജില്ലാ സെക്രട്ടറി കെ.എൻ.കീപ്പേരി, വി.ശശി, അമ്മിണി ചന്ദ്രാലയം, വൈസ് പ്രസിഡണ്ട് കെ. രാജഗോപാലൻ നായർ എന്നിവർ സംസാരിച്ചു. സെക്രട്ടറി വി.കെ.രാമചന്ദ്രൻ സ്വാഗതവും ജോ. സെക്രട്ടറി യമുന കെ. നായർ നന്ദിയും പറഞ്ഞു