വിവാഹ അഭ്യർത്ഥന നിരസിച്ച യുവതിയും കുടുംബവും സഞ്ചരിച്ച കാറിൽ ബൈക്കിടിച്ച് കൊലവിളി

പാണത്തൂർ: വിവാഹ അഭ്യർത്ഥന നിരസിച്ചതിന് യുവതിയും കുടുംബവും സഞ്ചരിച്ച കാറിൽ ബൈക്കിടിപ്പിച്ച് ആക്രമണവും വധഭീഷണിയും. പാണത്തൂർ പരിയാരത്തെ 20 കാരിയും കുടുംബത്തിനും നേരെയാണ് ആക്രമണം ഉണ്ടായത്. സംഭവത്തിൽ പാണത്തൂരിലെ റിഷാദ് പള്ളിക്കാലിനെതിരെ രാജപുരം പോലീസ് കേസെടുത്തു. കഴിഞ്ഞദിവസം യുവതിയും കുടുംബവും സഞ്ചരിച്ച കറിനെ പിന്തുടർന്നെത്തിയ റിഷാദ് പാണത്തൂർ പരിയാരത്തിൽ വച്ച് ബൈക്ക് കാറിലിടിക്കുകയായിരുന്നു. കാറ് നിർത്തി പുറത്തിറങ്ങിയ യുവതിയുടെ സഹോദരനെ ഇയാൾ ഹെൽമെറ്റ് കൊണ്ട് അടിച്ചുപരിക്കൽപ്പിക്കുകയും യുവതിയെ കൊല്ലുമെന്ന് ഭീഷണിപ്പെടുത്തുകയും ചെയ്തുവത്രേ. തുടർന്നാണ് യുവതി രാജപുരം പോലീസിൽ പരാതി നൽകിയത്.