Web Desk 
നീലേശ്വരം തളിയിൽ ശ്രീ നീലകണ്ഠേശ്വര ക്ഷേത്രത്തിൽ നിറ ഉത്സവം ആഘോഷിച്ചു. ക്ഷേത്രം മേൽശാന്തി ശ്രീധരൻ ശിവരൂരായരുടെ കാർമികത്വത്തിലാണ് ചടങ്ങുകൾ നടന്നത്. ക്ഷേത്രം മണ്ഡപത്തിൽ പൂജിച്ച നെൽക്കതിർ ശ്രീകോവിലിനകത്തും ഉപദേവന്മാർക്കും കെട്ടിയ ശേഷം അവ ഭക്തജനങ്ങൾക്ക് വിതരണം ചെയ്തു. ഇന്ന് രാവിലെ 7.30നും 8.30നും ഇടയിലുള്ള ശുഭമുഹൂർത്തത്തിലാണ് ചടങ്ങുകൾ നടന്നത്.
