ഈ വർഷത്തെ തണൽ കെ എം ജോസ് എൻഡോവ്മെൻ്റ് നാടകരംഗത്തെ മികച്ച അംഗീകാരത്തിന് രാജ് മോഹൻ നീലേശ്വരത്തിന് നൽകുവാൻ തീരുമാനിച്ചതായി ജൂറി ചെയർമാൻ ഡോ എം രാധാകൃഷ്ണൻ അറിയിച്ചു. ജൂലൈ 28 ന് ഞായറാഴ്ച വൈ: 3 മണിക്ക് പടിഞ്ഞാറ്റം കൊഴുവൽ എൻ എസ് എസ് ഹാളിൽ സിനിമാ നാടക നടൻ സന്തോഷ് കീഴാറ്റൂർ അവാർഡ് വിതരണം ചെയ്യും. തണൽ മെമ്പറും കേരള സംഗീത നാടക അക്കാദമി അവാർഡ് നേടിയ വി. ശശി നീലേശ്വത്തെയും ആദരിക്കും. സാഹിത്യ നിരൂപകനും കേരള സാഹിത്യ അക്കാദമി മെമ്പറുമായ ഇ പി രാജ ഗോപാലൻ മുഖ്യപ്രഭാക്ഷണം നടത്തും. ‘ഈ വർഷത്തെ തണൽ പ്രതിഭാ പുരസ്കാര ജേതാക്കളെയും പരീക്ഷകളിൽ ഉന്നതവിജയം നേടിയ വിദ്യാത്ഥികളെയും അനുമോദിക്കും. കണൂർ സർവകലാശാല മുൻ പരീക്ഷാ കൺട്രോളർ കെ.പി. ജയരാജൻ അനുമോദന പ്രസംഗം നടത്തും.നീലേശ്വരത്തെ ജനസമ്മതനായ റിട്ട: പോസ്സ് മാൻ പി.വി. നാരായണൻ ജോസ് അനുസ്മരണ ഭാഷണം നടത്തും. കവി കെ.വി. മണികണ്ഠ ദാസ് , നാടക പ്രവർത്തകരായഉദീനൂർ ബാലഗോപാലൻ, ഇ.പി. കൃഷ്ണൻ,കെ.പി ശശികുമാർ പരിസ്ഥിതി പ്രവർത്തകനും ഗ്രന്ഥകാരനുമായ ഡോ: ഇ ഉണ്ണികൃഷ്ണൻ എന്നിവർ സംസാരിക്കും
Web Desk 
