ഇഖ്റഅ്;നീലേശ്വരം രാജാസ് ഹയർസെക്കണ്ടറി സ്കൂൾ ഉദ്ഘാടനം നിർവഹിച്ചു

നീലേശ്വരം : എംഎസ്എഫ്, അജ്‌മാൻ കെഎംസിസി തൃക്കരിപ്പൂർ നിയോജക മണ്ഡലം കമ്മിറ്റികൾ സംയുക്തമായി നടത്തുന്ന ഇഖ്റഅ് ക്യാമ്പയിൻ നീലേശ്വരം രാജാസ് ഹയർസെക്കന്ററി സ്കൂളിൽ വെച്ച് മുസ്‌ലിംലീഗ് നീലേശ്വരം മുൻസിപ്പൽ ജനറൽസെക്രട്ടറി അഡ്വ:കെ പി നസീർ സ്കൂൾ പ്രിൻസിപ്പൽ വിജേഷ് അവറുകൾക് പത്രവും പുസ്തകങ്ങളും നൽകി നിർവഹിച്ചു. വായനയെ പ്രോത്സാഹിപ്പിക്കുക എന്ന ലക്ഷ്യത്തോടെ നടത്തുന്ന ഇഖ്റഅ് ക്യാമ്പയിനിന്റെ ഭാഗമായി നിയോജക മണ്ഡലം പരിധിയിലെ മുഴുവൻ ഹയർ സെക്കന്ററി സ്കൂളുകളിലേക്കും ചന്ദ്രിക ദിനപത്രവും പുസ്തകങ്ങളും സമ്മാനിക്കുന്നതാണ് ഇഖ്റഅ് പദ്ധതി. ചടങ്ങിൽ, മുൻ കെഎംസിസി നേതാവ് മഹമൂദ് ഹാജി , എംഎസ്എഫ് മണ്ഡലം ജോയിന്റ് സെക്രട്ടറി നാഫിഹ് പേരോൽ,എംഎസ്എഫ് മുൻസിപ്പൽ നേതാകളായ ഷാനിഫാസ് കോട്ടപ്പുറം, അഹമ്മദ്‌ കോട്ടപ്പുറം, അജീർ കരുവാച്ചേരി തുടങ്ങിയവർ സംബന്ധിച്ചു.