സ്കൂട്ടറിൽ കടത്താൻ ശ്രമിച്ച എം ഡി എം എ യുമായി യുവാവിനെ ചന്തേര എസ് ഐ കെ പി സതീശനും സംഘവും അറസ്റ്റ് ചെയ്തു. പയ്യന്നൂർ പെരുമ്പയിലെ സുമയ്യ മൻസിലിൽ അബ്ദുല്ലയുടെ മകൻ അബ്ദുൽ സാബിറി (38) നെയാണ് ഇളമ്പച്ചി കെഎസ്ഇബി ഓഫീസിന് സമീപം വെച്ച് അറസ്റ്റ് ചെയ്തത്. ഇയാളിൽ നിന്നും 1.50ഗ്രാം എംഡി എം എയും പിടിച്ചെടുത്തു. ഇന്നലെ രാത്രി വാഹന പരിശോധനയ്ക്കിടയിൽ കെ. എൽ 59 ക്യു 9830 നമ്പർ സ്കൂട്ടറിന് പോലീസ് കൈ കാണിച്ചപ്പോൾ രക്ഷപ്പെടാൻ ശ്രമിക്കുന്നതിനിടയിൽ അബ്ദുൽ സാബിർ സ്കൂട്ടറുമായി വീഴുകയായിരുന്നു. പിന്തുടർന്ന് എത്തിയ പോലീസ് ഇയാളുടെ ദേഹ പരിശോധന നടത്തിയപ്പോഴാണ് എംഡിഎ കണ്ടെത്തിയത്.
Web Desk 
