ബോവിക്കാനം എയുപി സ്കൂളിലെ പുസ്തകങ്ങൾ കത്തിച്ചു

വായന വാരാചരണം നടക്കുന്ന വേളയിൽ സ്കൂളിലെ പുസ്തകങ്ങൾ കത്തിച്ച് ഇരുട്ടിന്റെ സന്തതികൾ. ഇരുന്നൂറോളം പുസ്തകങ്ങളും ശുചീകരണ ഉപകരണങ്ങളും കുട്ടികൾ ചിത്രം വരയ്ക്കാൻ ഉപയോഗിക്കുന്ന ക്രയോൺ പെൻസിലുകളുമാണ് കത്തിച്ചത്. പ്രൈമറി വിഭാഗം പ്രവർത്തിക്കുന്ന കെട്ടിടത്തിലാണ് പുസ്തകങ്ങളും മറ്റും ഉണ്ടായിരുന്നത്. ജനലിലൂടെ തീ കത്തിച്ചിടുകയായിരുന്നു. അഞ്ചോളം ബെഞ്ചുകൾക്കും തീ പിടിച്ചു സംഭവത്തിൽ നാട്ടിൽ വ്യാപക പ്രതിഷേധം ഉയർന്നിരിക്കുകയാണ്. അക്രമികളെ ഉടൻ കണ്ടെത്തി മാതൃകാപരമായി ശിക്ഷിക്കണമെന്ന് ആവശ്യം ശക്തമായിട്ടുണ്ട്.