ചുള്ളിക്കരയിലെ കൊറിയർ സർവീസ് ഉടമയും പരപ്പ പട്ടളം റോഡിലെപരേതനായ ചന്ദ്രൻ -ഭവാനി ദമ്പതികളുടെ മകനുമായ വിനയചന്ദ്രന്റെ (38) മരണത്തിൽ ദുരൂഹത. ഇന്നലെ രാവിലെയാണ് വിനയചന്ദ്രനെ ക്വാട്ടേഴ്സിനകത്ത് തൂങ്ങിമരിച്ച നിലയിൽ കണ്ടെത്തിയത്. എന്നാൽ മൃതദേഹത്തിൽ നിന്നും പോലീസിൽ ലഭിച്ച ആത്മഹത്യ കുറിപ്പാണ് മരണത്തിൽ ദുരൂഹത ഉയർത്തിയിരിക്കുന്നത്. വിനയചന്ദ്രന്റെ മൃതദേഹത്തിൽ നിന്നും ലഭിച്ച കത്തിൽ മകളെ മാപ്പ് എന്നും താൻ ഒരു തെറ്റ് ചെയ്തിട്ടില്ലെന്നും നിരപരാധിയായി തന്നെ ആക്രമിച്ചു എന്നും എഴുതിയിട്ടുണ്ടത്രെ, പരപ്പയിലെ ഒരു അച്ഛനും മകനും ചുള്ളിക്കരയിലെ ഒരു യുവാവും ചേർന്നാണ് തന്നെ മർദ്ദിച്ചതെന്നും കത്തിൽ എഴുതിയതായി പറയുന്നു. അതേസമയം മരണപ്പെടുന്നതിനെ തലേദിവസം സന്ധ്യയ്ക്ക് വിനയചന്ദ്രനെ ഏതാനും പേർ ചേർന്ന് മർദ്ദിക്കുന്നതായി ചിലർ കണ്ടിരുന്നുവത്രേ. സംഭവം സംബന്ധിച്ച് വെള്ളരിക്കുണ്ട് പോലീസ് അന്വേഷണം ആരംഭിച്ചിട്ടുണ്ട്.
Web Desk 
