അച്ഛൻ്റെയും മുത്തച്ഛൻ്റെയും പുസ്തകങ്ങൾ ലൈബ്രറിക്ക് നൽകി ആറാം ക്ലാസുകാരി

വായനദിനത്തിൽ ഗവ.യു.പി സ്കൂൾ നാലിലാം കണ്ടം വ്യത്യസ്തമായൊരു ചടങ്ങിന് സാക്ഷിയായി. അച്ഛൻ ജിതേഷ് വിജയൻ്റെ തുരുത്ത് എന്ന കവിതാ പുസ്തകവും മുത്തച്ഛൻ വിജയൻ മുങ്ങത്ത് രചിച്ച ആരണ്യ കാണ്ഠം എന്ന പുസ്തകവുമാണ് ആറാം ക്ലാസ്സുകാരി ആദ്യലക്ഷ്മി സ്കൂൾ ലൈബ്രറിയിലേക്ക് നൽകാൻ മുഖ്യാതിഥിയായെത്തിയ കെ.ജി. സനൽഷക്ക് കൈമാറിയത്. വായനാ ദിനചടങ്ങിൽ വേറിട്ടൊരനുഭവമായി മാറി ഇത് .റിട്ട. ഫോറസ്റ്റ് ഓഫീസർ ആണ് വിജയൻ. വിദേശത്ത് ഐ.ടി. ജോലി ചെയ്യുകയാണ് ജിതേഷ്