വി.ശശിക്ക് കേരള സംഗീത നാടക അക്കാദമി അവാർഡ്

അസാധാരണ പ്രതിഭാ സവിശേഷതയുള്ള നാടകരംഗത്തെ ഒറ്റയാളായ നീലേശ്വരത്തെ വി.ശശിക്ക്‌ നടനും സംവിധായകനുമുള്ള സംഗീത നാടക അക്കാദമി അവാർഡ്. രാജ്മോഹൻ നീലേശ്വരത്തിന്റെ ഏകലവ്യൻനാടകത്തിലൂടെയാണ് വി ശശി സംവിധായക രംഗത്തേക്ക് കടന്നുവന്നത് പിന്നീട് ചരിത്രമായി മാറിയ മാറ്റി വച്ച തലകൾ, കേരള സംഗീത നാടക അക്കാദമി അവാർഡ് നേടിയ മരമീടൻ തുടങ്ങി പാക്കനാർ സൂക്തം മാനസാന്തരത്തിൻ്റെ ബാക്കിപത്രം, കൂകി പായും തീവണ്ടി, ബൊളിവിയ, ശ്വാസം, പെൺവിളക്ക് ഹൃദയത്തിലേക്കൊരു ചക്രം തുടങ്ങി തീമാടൻ അടക്കം നിരവധി നാടകങ്ങൾ സംവിധാനം ചെയ്തു.ഡെപ്യൂട്ടി തഹസീൽദരായി സർവീസിൽ നിന്ന് വിരമിച്ച ശശിയുടെ ഭാര്യ റിട്ട. അധ്യാപികയായ മോത്തി റാണി. മക്കൾ: ഉണ്ണി, ശാന്തി. നീലേശ്വരം പടിഞ്ഞാറ്റം കൊഴുവൽ സ്വദേശിയാണ്