Web Desk 
മഹിളാ കോൺഗ്രസ്‌ കള്ളാർ മണ്ഡലം കമ്മിറ്റിയുടെ നേതൃത്വത്തിൽ എസ് എസ് എൽ സി ,പ്ലസ്ടു പരീക്ഷയിൽ മുഴുവൻ വിഷയങ്ങളിൽ എ പ്ലസ് നേടിയ വിദ്യാർഥികളെയും, സി എ പരീക്ഷയിൽ ഉന്നത വിജയം നേടിയ വിദ്യാർഥികളെയും അനുമോദിച്ചു.
മഹിളാ കോൺഗ്രസ്‌ മണ്ഡലം പ്രസിഡന്റ് രജിത കെ അധ്യക്ഷത വഹിച്ചു. ജില്ലാ കോൺഗ്രസ്‌ കമ്മിറ്റി വൈസ് പ്രസിഡന്റ് ബി പി പ്രദീപ്‌ കുമാർ ഉദ്ഘാടനം ചെയ്തു. മഹിളാ കോൺഗ്രസ്‌ ജില്ലാ പ്രസിഡന്റ് മിനി ചന്ദ്രൻ, ഡി സി സി ജനറൽ സെക്രട്ടറി ധന്യ സുരേഷ് കള്ളാർ മണ്ഡലം കോൺഗ്രസ്‌ പ്രസിഡന്റ് എം എം സൈമൺ, ഗ്രാമഞ്ചായത്ത് പ്രസിഡന്റ് ടി കെ നാരായണൻ, യൂത്ത് കോൺഗ്രസ്‌ ജില്ലാ ജനറൽ സെക്രട്ടറി വിനോദ് കപ്പിത്താൻ, യൂത്ത് കോൺഗ്രസ്‌ മണ്ഡലം പ്രസിഡന്റ് മണികണ്ഠൻ സി, കെ എസ് യു നിയോജക മണ്ഡലം പ്രസിഡന്റ് ജർമിയ ബെൻ ഡാനിയേൽ എന്നിവർ സംസാരിച്ചു, മണ്ഡലം സെക്രട്ടറി ശ്രീവിദ്യ പി സ്വാഗതവും, ട്രഷറർ പ്രിയ ഷാജി നന്ദിയും പറഞ്ഞു.
