Web Desk 
നീലേശ്വരം നഗരസഭയുടെ കീഴിലുള്ള ചാത്തമത്ത് വാതകശ്മശാനവളപ്പ് പച്ചത്തുരുത്താകും. പരിസ്ഥിതി ദിനാചരണത്തിന്റെ ഭാഗമായി നഗരസഭയുടെ ആഭിമുഖ്യത്തിൽ വാതകശ്മശാനവളപ്പിൽ വൃക്ഷത്തൈകൾ നടുന്നതിൻ്റെ ഉദ്ഘാടനം ചെയർപേഴ്സൺ ടി വി ശാന്ത നിർവഹിച്ചു.
പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ കെ പി രവീന്ദ്രൻ അധ്യക്ഷത വഹിച്ചു. പ്രാദേശിക കൃഷി വിദഗ്ധൻ പി വി ദിവാകരൻ മുഖ്യാതിഥിയായിരുന്നു. ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ ടി പി ലത, വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ പി ഭാർഗവി, നഗരസഭ സെക്രട്ടറി മനോജ്‌ കുമാർ കെ എന്നിവർ സംസാരിച്ചു. കൗൺസിലർമാരായ
പി. സുഭാഷ്, കെ നാരായണൻ, പി. വത്സല, പി, കുഞ്ഞിരാമൻ, കെ. മോഹനൻ, പി പി ലത, ടി വി ഷീബ, കെ. ജയശ്രീ , എം.കെ വിനയരാജ് എന്നിവരും ആരോഗ്യ വിഭാഗം ജീവനക്കാരും , ഹരിത കർമസേന അംഗങ്ങളും കുടുംബശ്രീ പ്രവർത്തകരും പങ്കെടുത്തു. വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ വി ഗൗരി സ്വാഗതവും ക്ലീൻ സിറ്റി മാനേജർ എ കെ പ്രകാശൻ നന്ദിയും പറഞ്ഞു.
