വീട്ടമ്മയെ റോഡിൽ തള്ളിയിട്ട് സ്വർണ്ണമാല തട്ടിയെടുത്തു

ഹെൽത്ത് സെന്ററിൽ നിന്നും മരുന്ന് വാങ്ങിപ്പോവുകയായിരുന്നു വീട്ടമ്മയെ റോഡിൽ തള്ളിയിട്ട് പരിക്കേൽപ്പിച്ച് കഴുത്തിൽ നിന്ന് സ്വർണ്ണമാല പൊട്ടിച്ചെടുത്തു.ബദിയടുക്ക പോലീസ് സ്റ്റേഷൻ പരിധിയിലെ ഷേണിയിലെ കുഞ്ഞു നായിക്കിന്റെ ഭാര്യ സുലോചനയുടെ (54) കഴുത്തിൽ നിന്നുമാണ് ഒന്നേകാൽ പവന്റെ സ്വർണ്ണമാല ബൈക്കിൽ വന്ന മോഷ്ടാവ് തട്ടിയെടുത്തത്. മോഷ്ടാവിന്റെ അക്രമത്തിൽ റോഡിലേക്ക് തെറിച്ചുവീണ് സുലോചനക്ക് പരിക്കേറ്റു. ബദിയടുക്ക പോലീസ് കേസെടുത്തു അന്വേഷണം ആരംഭിച്ചു.