Web Desk 
കാസര്‍കോട്: രണ്ടു കോടിയുടെ സ്വര്‍ണം പിടികൂടി. ആഡംബരകാറിന്റെ രഹസ്യ അറയില്‍ കൊണ്ടുപോകുകയായിരുന്ന 2.04 കോടി രൂപ വരുന്ന 2838.35 ഗ്രാം സ്വര്‍ണം കസ്റ്റംസ് പിടികൂടി. മംഗളൂരു സ്വദേശി ദേവരാജ് സേഠിൽ നിന്നാണ് സ്വര്‍ണം കണ്ടെടുത്തത്.
സ്വര്‍ണം കൊണ്ടുപോകാന്‍ ഉപയോഗിച്ച ഫോർഡ് കാര്‍ കസ്റ്റംസ് കസ്റ്റഡിയിലെടുത്തു. രഹസ്യ വിവരത്തിന്റെ അടിസ്ഥാനത്തില്‍ വെള്ളിയാഴ്ച ചെറുവത്തൂര്‍ ദേശീയപാത 66ല്‍ വെച്ചാണ് 2838.35 ഗ്രാം തൂക്കം വരുന്ന 24 കാരറ്റ് പരിശുദ്ധിയുള്ള സ്വര്‍ണം പിടികൂടിയത്. കോഴിക്കോട് കൊടുവള്ളിയില്‍ നിന്ന് മംഗളൂരുവിലെആഭരണ നിര്‍മാണ ശാലയിലേക്ക് കൊണ്ടുപോകുകയായിരുന്ന കൊണ്ടുപോകുകയായിരുന്ന സ്വര്‍ണമെന്നാണ് സൂചന.
