‘അക്ഷരമുറ്റത്തൊരു ചരിത്ര കൂട്ടായ്‌മ’ നാളെ

കയ്യൂർ കർഷകസമര ചരിത്രമുറങ്ങുന്ന നാട്ടിൽ 1957 ൽ ആരംഭിച്ച കയ്യൂർ ഗവ. വൊക്കേഷണൽ ഹയർസെക്കൻഡറി സ്‌കൂൾ മെഗാ പൂർവ വിദ്യാർഥി സംഗമം ഞായറാഴ്‌ച നടക്കും. 1957 മുതൽ 2020 വരെ വിദ്യാലയത്തിലെ എല്ലാ വിഭാഗങ്ങളിലും പഠിച്ച പ്രശസ്‌തരുൾപ്പെടെ ആയിരത്തിയഞ്ഞൂറോളം പേർ സംഗമത്തിൽ പങ്കെടുക്കും. പകൽ രണ്ടിന്‌ മുൻ വിദ്യാഭ്യാസമന്ത്രി പ്രൊഫ. സി രവീന്ദ്ര നാഥ്‌ ഉദ്‌ഘാടനംചെയ്യും. എം രാജഗോപാലൻ എംഎൽഎ അധ്യക്ഷനാകും. എസ്‌സിഇആർടി ഡയറക്ടർ ആർ കെ ജയപ്രകാശ്‌ മുഖ്യപ്രഭാഷണം നടത്തും.