Web Desk 
കാസര്‍കോട് : ഇന്നോവ കാറില്‍ കടത്തുകയായിരുന്ന 24 ചാക്ക് നിരോധിത പുകയില ഉൽപന്നങ്ങളുമായി രണ്ടുപേരെ കാസര്‍കോട് ടൗണ്‍ പോലീസ് ഇന്‍സ്‌പെക്ടര്‍ അഖിലും സംഘവും അറസ്റ്റുചെയ്തു.
പാക്കം, കരുവാക്കോട്, സോയാമന്‍സിലിലെ എ.എം.മുഹമ്മദ് ഹനീഫ (56), ഉത്തര്‍പ്രദേശ് മാവു, കസ്ബാക്കര്‍ സ്വദേശിയും ബേക്കല്‍ കോട്ടയ്ക്കു സമീപം താമസക്കാരനുമായ സുനില്‍ ചൗഹാന്‍ (26) എന്നിവരെയാണ് അറസ്റ്റുചെയ്തത്. ഇന്നലെ രാത്രി അഡുക്കത്തുബയല്‍ ദേശീയപാതയില്‍ നടന്ന വാഹന പരിശോധനയിലാണ് സംഘം കുടുങ്ങിയത്. കാര്‍ റോഡരികില്‍ നിര്‍ത്തിയിട്ട് ഓടി രക്ഷപ്പെടാന്‍ ശ്രമിക്കുന്നതിനിടെ പിന്തുടര്‍ന്ന പൊലീസ് ഇരുവരെയും കയ്യോടെ പിടികൂടുകയായിരുന്നു.
Related Posts:
