Web Desk 
കാസർകോട്: കാറിൽ കടത്താൻ ശ്രമിച്ച 11 ചാക്ക് നിരോധിത പുകയില ഉത്പന്നങ്ങളുമായി യുവാവിനെ കാസർകോട് ടൗൺ എസ്ഐ പി അനൂപും സംഘവും അറസ്റ്റ് ചെയ്തു. കാസർഗോഡ് ഉളിയത്തടുക്ക നാഷണൽ നഗറിലെ എച്ച് മുഹമ്മദ് അഷറഫിനെയാണ് പാറക്കട്ട കേന്ദ്രീയ വിദ്യാലയത്തിന് സമീപം വെച്ച് അറസ്റ്റ് ചെയ്തത്. 11 ചാക്കുകളിലായി സൂക്ഷിച്ച 21962 നിരോധിത പുകയില ഉത്പന്നങ്ങളാണ് പിടിച്ചെടുത്തത്. പുകയില ഉത്പന്നങ്ങൾ കടത്താൻ ഉപയോഗിച്ച കെഎൽ 14 എക്സ് 54 0 7 നമ്പർ കാറും കസ്റ്റഡിയിലെടുത്തു. പുകയില ഉൽപ്പന്നങ്ങൾ പിടികൂടിയ സംഘത്തിൽ എസ് ഐകൊപ്പം എസ്.ഐ സുഭാഷ് സിവിൽ പോലീസ് പോലീസ് ഓഫീസർ ജയേഷ്, ഡ്രൈവർ ഉണ്ണികൃഷ്ണൻ എന്നിവരും ഉണ്ടായിരുന്നു
Related Posts:
